Your Daily News

Office A Luah Hun Chhungin Emaw, A Luah Tawh Loh Hnu Pawhin Putin’an Eng Ang Sualna Pawh Tise Hrem Theih A Ni Tawh Dawn Lo

0 238

Russian Lawmakers-te chuan tuna President ni mek Vladamir Putin’an hremna a pumpelh theihna tur draft bill chu an hmawrbawk ti ti ta maia, atan chuan eirukna emaw sualna engpawh pawh ti se hrem theih a ni tawh dawn lo a ni.

Hriat tawh angin president tantute hian Russian parliament house 2 chu an awp hneh hle a, ‘hrem pumpelhna bill’ (the immunity bill) an tih mai hi pass a nih chuan, president Vladamir Putin leh a a chhungkua chu an thilsual tih a chhui thei tawh dawn lo a ni. Ex-president lo ni tawhte chu office an luah lai chauhin chhui theih loh an nia, tuna draft bill erawh chuan office an chhuahsan hnu thlengin venhim an ni tawh dawn tihna a ni.

Putin’an amah leh amah a inhumhimna tur draft bill (the immunity bill) chu Lawmakers-te kaltlangin a duang chho meka, Russian Parliament’s Lower house– Duma chuan he bill hi a pawmpui tawh nghe nghe.

He immunity bill (hrem pumpelhna bill) hian sawi a hlawhin Putin hmalam hun thui tak a hril tel niin an sawia, a khingpui lian ber Alexei Navalny pawhin he bill hi Twitter kaltlangin na takin a sawisel zui bawk.

Thawhlehni khan he bill hi passed a nia, MP thenkhat, pro-Putin United Russia party leh Theirty-seven Communist MPs lam chuan a hnialkalh zawngin an vote ve thung a ni.

Putin hian 2000 kum atangin rorelna a kalpui tana, office a luah hnuin thuneihna sang tak a neih bakah intihropui a thiam hle. Tunah hian kum 68 a upa niin 2024 ah a term a hmang zo dawna, amendmends siam a nih tak avangin term dang pawh a chuh leh thei dawn niin a lang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!