Your Daily News

Nikhat Atan Hmeichhe Tleirawl Kum 16 Miin Prime Minister Nihna Chelhin Office A Luah

0 1,160

Hmeichhe tleirawl kum 16 a upa chuan darkar 24 chhung prime minister dinhmun chelhin office a luah tih hriat a ni.

Hmeichhe tleirawl kum 16 mi Aava Murto chu nikhat (24 hrs) chhung Finland Prime minister atan an ram prime minister ni lai Sana Marin chuan October 8, 2020 khan International Girl’s Takeover Event-ah PM thuneihna a hlan. He nihna dinhmun pawimawh tak mai hlan a nihna chhan pawh hmeichhiate tihchak nan leh hmasawnna rahbi kawng sialsak nan a nih thu an sawi.

Thingtlang khua, Vaaksy a khawsa Aava Murto chuan Finnish Lawmakers-te hnenah an ram hmeichhiate dinhmun chu nasa taka chawikang tur leh hmeichhia leh mipa intluktlanna chu ngai pawimawh turin a ngen a ni.

A sawi zelnaah khawvel hmun tam takah hmeichhiate chuan ngaihsak an hlawh tawk lo tih tarlangin technology hman thiamna ah leh hmasawnna kawng tinreng hnathawhna ah pawh a hnuaihnung zawkah an tang thin a ti bawk.

Heng ang dinhmun intluk tlanlohna leh inthliar hranna awm thin chu thalo a tih thu sawiin hmeichhiate dinhmun chawisan kawngah hmala leh zual turin leaders-te chu a ngen tak meuh tih a sawi a ni.

Mipate chu kawng engkimah chung nung zawka kan ngaihna thinlung chu dahbo a tul thu a tarlang bawk.

Finland ramah chu hmeichhiate dikna chanvo humhalh kawngah khawvel ramdangte nen khaikhinin record an nei tha hle tih an sawia, an ram rorelna ah pawh hmeichhia tam thei ang ber tel se an duh thu an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!