Your Daily News

Mobile App ah chhiar theih in a awm e

NICOLAS CHUAN GUAIDO NEN INBIAK A DUH

0 77

Buaina tinrengin a tlakbuak mek Venezuela President Nicolas chuan Americaten an thlawp oppositionho nen inhmuh a duh thu Nilai ni khan a sawi. South America khawmuala awm Venezuela chuan politic lama chhiatna, economic lamah pawh chhiatna, social lamah pawh chhiatna, heng zawng zawng hi chifelna kawng hmawr a hmuh theih nan dawhkana sawiho leh a rang thei ang bera parliament inthlanna buatsaih a duh thu a sawi.

Mahse ramdangmiten an nawr tluk tluk President thar thlanna erawh chu a pawm theih loh thu a sawi. Opposition hruaitu ni bawk, national parliament chairman ni bawk Guaido chu America leh a thian ram 12 chuangin Venezuela ram lalah an pawm atangin buaina a sosang ta a ni.

Kan khingpuite nena dawhkana thutho chu ka duh reng, kan ram tan, khawvel tan, kan hmalam tan thil tha zawng turin ka hman reng tiin Nicolas chuan a sawi. Venezuela buaina a ta tlanchhuah theihna kawng awmchhun chu inthlan hi a ni tiin America leh Europe insuihkhawm chuan Nicolas chu nawr engang mahse a pawm duh chuang lo.

Nicolas chuan kan inthlanna kha thla 10 chauh a la ni hrih. Dan ang thlapa inthlanna a nih kha  a ti ve tlat.

source ‘mizzima’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com