Your Daily News

New Zealand chuan Covid-19 case nei tawh lo.

0 306

Covid-19 chu kan hneh ta e tiin New Zealand sorkar chuan a puang ta rup mai.

June ni 8 —zan lai dar 12 hian Covid-19 darh zau lohna tur atana dan leh restriction zawng zawng te chu an thlah dul dawn a ni tiin Prime Minister Jacinda Ardern chuan a sawi.

Tunah chuan New Zealand ah Covid-19 tumahin an vei tawh lo a ni. New Zealand ah hian Covid-19 positive case mi 1504 awm tawhin, mi 1482 te chu an recover leh ani. A dang mi 22 te chu an thi a ni.

Ram chhungah tunah tumahin Covid-19 an positive loh avangin heng dang leh dun thlah dul chu sorkar in a rem ti a ni tiin Jacinda chuan a sawi bawk.

Prime Minister chuan “Covid-19 hi kan hneh a, amaherawh chu mipui lam aṭang ve thung chuan inthlahdah tur kan ni lo a ni”tiin a fuih bawk.

Ram dangah Case a la sang zel avangin Travel restriction chu an la chhunzawm zel dawn ani tiin a sawi bawk.

Ram chhungah erawh chuan Covid-19 awm hma ang chiah khan business leh thil dang reng reng chu a ngai ang bawkin thil tih leh phal a ni.

Nakin hnuah Case a rawn awm leh a nih pawn sorkar chu kan in ring reng e tiin Prime minister chuan a sawi a ni.

Source: 7Day TV

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!