Your Daily News

MYANMAR SIPAITE INKAHHAI AN HMUH DAN

0 322

Myanmar sipaiten thla (4) chhung anmahni thua inkahhai an siam hi politic thil a ni a, inremna aiin an hamthatna tura an hmanraw pakhat a ni tiin Ethnic group helpawl insuihkhawm federal council (UNFC)chuan a sawi. Kan inkahhai inremna chu Ethnic helpawl thenkhatin an bawhchhia, remna an duh tak tak chuan min be rawhse ti a sipai lamin an puan chu Helpawl insuihkhawm chuan ti hian an chhang. “Kum tam tawk ramchhung buaina tireh tur hian mawh  inthluktawn chiam aiin politic dawhkan ah inhma tawna sawiho hi a tangkai zawk ang tiin an chhang.

Kum 2018 December 21 atangin 2019 April ni 30 thleng inkahhai kan puanga, mahse helpawl thenkhatten hemi dan hi an rawn bawhchhia a ni. Inrem an duh tak tak  anih chuan Myanmar sipaiten an duan sa inremna zawmin min rawn be rawh se tiin sipailam  thusawitu chuan a puang.

Hemi thu hi Rakhai National Council secretary U Htun Zaw chuan ‘He inkhahhai hi inremna lam ai mahin an hamthatna tur an ruahmante chu an bawhzui lek zawkah ka ngai.Kan inrem theihna tur atan thusawi theihna min pe lova, an duhdan awmsa tawmpui tur chauhva insawm kan ni.

Lehlamah inkahhai an puanga, a lehlamah helpawl an kap bawk nen, an thusawi leh thiltih hi a inmil chiah lo. Hmanah an sawi tawh, inremna duh bertu chu sipai hi kan ni an ti a, tunah pawh chutiang tho chuan an sawi leh a, tuna an kah mekte hi inkap tawhlotura an thurualpuite an ni. An thurualpuite mah an kah duh chuan???? tih hi ngaihtuah tur a awm. Inremna chu lehkhapuanah leh mediaah ni lovin a hmunah atakin hman tur a ni.

Kawlramah lal dang dangten remna zawngin an bei tawh a, mahse vawin thlenga remna a awm theihlohna chhan hi ralthuam kan hman vang a ni. Remna kan duh chuan helpawl, sawrkar leh sipaite politic dawhkanah inhmatawnin kawng zawn tur a ni tiin doctor Yan Myo Thei chuan a sawi.

source ‘VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!