Your Daily News

Myanmar Ram Inthlannaah Suu Kyi Party In Hnehna Chang

0 170

Myanmar rama rorel lai party chuan Thawhtan ni khan thuchhuah siamin, sipai rorelna khauh tak mai thlahdul a nih hnua gereral election tum 2-naah hnehna an chang tih thuchhuah siamin an tarlang.

Party Spokesman Myo Nyunt in Reuters a hrilh danin Pi Aung San Suu Kyi kaihhruai National League for Democracy (NLD) chuan rorelna fawng chelh thei tura parliament a seat hauh ngai zat chu hmuin seats 322 an la tih a sawi. He thil hi offial a puan a la ni rih lo a ti. Election Commission chuan result hi an puang thuai dawn tih an tarlang a ni.

Suu Kyi kaihhruai NLD chu party thang duang tak leh ngaihven hlawh tak mai niin, Pi Suu Kyi-i Rohingya Muslim hnam tenaute chunga a thil tih avang khan a hming thatna leh miten an ngaihzawnna a nep hman thelh a mahse, hnehna chu an chang ta tho a ni.

Rorelna kalpui turin parliament Lower house 425 ah seat 315 lak a ngai a, Upper house 217 ah 161 lak a ngai bawk a ni.

2015 kuma inthlannaah khan NLD chuan a mak a makin hnehna an changa total seats 390 lai an hui a nih kha. Myo Nyunt sawiidanin an party chhung atanga an chhut dan chuan hei hi an pelh a rinthu a sawi nghe nghe. Thil kaldan lo thlir zel phawt ang.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!