Your Daily News

MIDDLE EAST BUAINA KAL ZELAH JORDAN LALIN A UNAUPATE PAHNIH LEH A COUSIN MANTIR

0 319

 Iran leh Saudi Arabia inngurna avanga tun hnaia Middle East-a boruak inmung mêk chungchang chu kan hre fur tawh âwm e. A bul ber pakhat chu khung Middle East ram tam zâwk khuan Saudi Arabia lal, King Salman chuan a ram chu Middle East-a super power-ah siam a tum niin an hria a, an ngaithei lo a ni.

Boruak țang tak kal zelah, țan lam tilang lo taka sawi Jordan hming a lang ve ta hlawl mai. Media țhenkhata tar lan danin, Jordan lal King Abdullah chuan a unaupate pahnih, Prince Faisal bin Hussein leh Prince Ali bin Hussein bâkah, a cousin Prince Talal bin Muhammad te chu Saudi Arabia nen a rûka inkungkaihna an lo neih avangin house arrest-in a hrêntir a ni. Hei hi a intelligence service(spy)-te’n an chhuina ațanga an hriat chhuah niin an sawi.

Jordan military-a nihna sang tak tak chelh, kan sawi tâk mi pathum te khi tun hnaiah hmuh tur an awm lo va, chuvangin man an nih thuthang pawh mi tam takin thu dik ngei niah an ngai a. Chutih rualin, sawrkar lam chuan official-in thuchhuah la siam lo mah se, military insîksawinaah ‘early retirement’-a chawlhtir an nih thu sawi a awm bawk a ni.

Middle East buaina neuh neuh kara remna palai hna thawk țhin US leh Russia chu tun țuma an buainaah hian an inrawlh tlem hle a. Zir chiang mite pawhin engtin nge boruak a kal chhoh zel ang tih rin dan thiam har an ti hle. Jerusalem chungchanga buaina ril ru tak rawn awm thar bawk nen, mi țhenkhat chuan World War 3 pawh Korean peninsula lam ni lovin, Middle East ațang ngei khuan a ințan an ring tlat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!