Your Daily News

Mahni hnam kawr nen le

0 470

Khawvel hi a tar tawh bawk a, hun hnuhnunga thil thleng tur zingah hnam leh hnam atih hian awmzia a nei thuk hle tih rin tur. Puipun ni apiang hian tute emaw chuan an hnam kawr an rawn ha thin tih ka chiang. Tun hma kha chuan hnam tenau kan nih kan zahpui thin kha a ni a, mahse tunah zawng tute pawh hian mahni hnam chawisan kan duh vek tawh a ni.

Ms Rashida Tlaib hi tun tum US Congress memberah Nilaithawhtan nikhan a tling ta a ni. Kan lo pawng huat em em thin Israel hnam tibuai fo thin tute zinga uchuak ber Palestine hnam Muslim sakhaw vuantu a ni nghe nghe. Congress member a tlin lawmnaah pawh an Palestine hnam kawr nen a inlan kher. Mahse Congress member lawmna a mahni hnam kawr ha hi amah chauh a ni lo. Native-American Deb Haalaan pawn an hnam kawr a ha a, tin new Mexico democrat atang nu pahnih pawn an hnam kawr Pueblo kawr an ha ve bawk.

Ms Rashida Tlaib chuan a hna thawk tura intiamna a neih hunah pawh Muslim lehkhabu nena intiam a tum. Koran chunga kut nghata ka intiamna hian United State of America hi hnam chi hrang hrang leh rawng chi hrang hrang te a ding leh dikna leh zalenna kan hmangaih tih a lan tir dawn a ni a ti.

source ‘BBC’

 

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com