Your Daily News

KIO LEH MYANMAR-TEN AA CHU ENGTINNGE AN TIH DAWN?

0 785

KIO kachin unaute leh Kawlram sipaite inremna tur hi Myanmar thlang lama AA leh Myanmar sipaite indona hian na sa takin a dal thei a ni tih ramdanga awm kachin unaute chuan an sawi. KIO kachin helpawl leh Myanmar sipaite chuan inremna thulai zawng turin tun Febuary hian inhmuh an tum a ni.

KIO  leh Kawlram remna zawngtute palaite hi China ram Yunan state Kuming khawpuiah an inhmu a, Kawlram sipai lamin thla li chhung kan inhai ang tih nikum tawp lama an puan hnuah KIO lam pawh chuan inhmuh an remti ve ta a ni. Febuary thlaah hian in hmu leh turin an in tiam tawha, mahse Kawl sipai leh AAte hian engemaw chen chu min dal hrih a ni tih US kachin hruaitu U Kun san chuan a sawi.

Kawlram sipaite nena inremna zawn hi tun takah chuan thil awl tur a ni lova, a chhan chu lehlamah inremna an rel laiin leh lamah mi an kap leh si, ram pum remna hmuh kan duh a ni. Khawvel hriatah kan inrem ti bawk si,inremna chu remchangah la a, ralthuam chhep belh zel hi chu a dik chiah lo.Tun hma pawh khan hetianga tih hi kawl sipaite hian an lo ching thin a, kan ring ngam lo a ni, chuvang tak chuan Kachin ram din sthar law law turin kan hnung khan Thailandah kan rel tiin Miss Khaw khun sa chuan a sawi.

Sipai chuan thuneihna kan pek che u chauh hi la u la, tichuan kan inrem ang tih hi an policy a ni a, mahse a rei pauh leh thei hmin lawh angin mi titil thin. Chunvangin Independent lak hi ka tumna chhan a ni. Mahse kawl sipai nena sawiho loh ai chuan sawiho chu a tha tho kan ti. Mahse remchang zawnga inrem laia ralthuam an inchawp belh zel hi chu tha kan ti lo a ti.

Mahse kawl sipai lam chuan inremna hi mi thenkhatten an bawhchhia tih an sawi ve bawk.

source ‘VOA”

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!