Your Daily News

Kim Jong Un Nikhawhrelova A Awm Hnuin A Farnu Kim Yo-jong Hnenah North Korea In Thuneihna A Hlanchhawng

0 857

Report-na in a tarlan danin North Korea Hotu lu Kim Jong-un chu a hriselna a that loh avangin nikhawhreloin a awm mek tih ex-diplomat chuan a sawi.

South Korea President thi ta Kim Dae-jung kut leh ke ber Chang Song-min chuan Kim Jong-un thuneihna chu a farnu Kim Yo-jong hnenah hlan chhawn a nih tawh thu a sawia, he thu hi China source atanga a dawn anih thu a sawi tel bawk.

Chong Song-min chuan South Korean media ah sawilangin, “Kim Jong-un chu tunah hian nikhaw hreloin a awm meka, a nunna erawh a la tawp lo. Amah thlak dan tur ruangam leh thil pawimawhte chu tihfel ni chiah lo mahsela a farnu Kim Yo-jong chuan he a hmun ruak, dinhmun pawimawh tak chu a luah ngei a ngai dawn bawk” tih a tarlang.

Kar hmasa lam khan National Intelligence Service (NIS) report in a tarlan danin hotupa ber Kim chuan a thuneihnate a farnu hnenah zawi zawiin a hlan chho mek tih a tarlanga mahse, South Korean agency chuan Kim hian a thuneihnate chu a la hmang chhunzawm zel tih an sawi ve thung.

South Korean MP, Ha Tae-kung’an a thusawinnaah Kim Jong-un hian thuneina pumhlum chu a kengkawh renga mahse, tunhma hun liam tawh ngaihtuahin a nep chho tial tial a ti bawk.

Hetih lai hian Kim thuneihna rochungtu tur chiang bal chu a farnu Kim Yo-jong a nih thu a sawi lang ve bawk.

North Korea Supreme leader Kim Jong-un hi a hriselna lam ah sawi neuh neuh a tam hle a, hun rei tak chhung mipui hmaah a inlan loh chang a ngah hle bawk. Chong Song-min chuan tunhnaia Kim thlalak an pholante chu amah tak nilo in a lem hlir a nih thu a sawilang bawk. Engber nge thudik ni ta ang le.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!