Your Daily News

Kim Jong-un Aia Kawlhsen Zawk A Farnu Kim Yo-jong Chu Kum 50 Chhung Rorelna Chang Thei Dinhmunah A Ding Ta

0 1,556

Kim Jong-un farnu, Kim Yo-jong kum 33 a upa chuan North Korea chu a duh ang thalin a lo berah kum 50 chhung chu a raphrual dawn niin thuthang a awm leh mek a ni. Mithiamte leh thil chhutmite chuan Pu Kima aimahin a farnu Kim Yo-jong hi a tawhkhirh zawk dawn tih an tarlang.

Kar hmasa mai khan South Korean President puihbawmtu ber lo ni thin Chang Song-min chuan North Korea Supreme leader Kim chu a dinhmun a chhe hle niin a sawia, April atang tawh khan a hriselna chungchangah sawi neuh neuh a tam hle tih a sawichhuak. Tianga a dinhmun a tlakhniam mek avang hian Kim chuan a farnu Kim Yo-jong hnenah a lalthutthleng ken a tum tih a tarlang bawk.

Professor Sung-Yoon Lee, Tufts University’s Fletcher School of Law and Diplomacy, US a mi chuan Kim a thi tawh anga thuthang awm chu thu dik lo a ni tih sawiin Coronavirus meeting a kaihhruai lai thlalak pawh hmuhtur tam tak a awm thu an puang ve bawk.

Mahse, hetih lai hian Kim dinhmun luahtu tur atan erawh a farnu chu khawvel mite rinkai ber a ni thung. Professor Lee in Daily Star Online a hrilh danin hnial ruallohin Kim Yo-jong chu North Korea ram tan mi viak tha tak tur leh an ram tan innghah ngamna a ni tih a tarlang. A chhan pawh a kum a la naupan mai bakah a hriselna lamah sawisel tur a awm lo tih sawiin a taksa a in fit thain thauchhe pai velo a nih avang hian kum 20 atanga kum 50 thleng pawh North Korea ram chu hrual thei dinhmunah a ding mek a ni a ti.

Hei mai a la nilo, a hmeichhepui lakah mipa hneh theihna ngah tak leh mahni ram ngaihsanga ramdang hmusit tel mi a nih avangin US leh South Korea ramte a thuneihna hmanga do let turin a tling tawk tih chu mi thil chhutmite ngaihdan a ni.

Lee chuan Kim Yo-jong kum 33 a upa hi Kim Jong-un kiangah a chetla nasa a, an ram North Korea rorelnaah dinhmun pawimawh tak a chang chho mek tih chu phatrual a ni lo a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!