Your Daily News

Khawvel Map Atanga China Thaibo Theihna America Ralthuam Mak

0 883

America chuan China mai ni lo, a hmelma ramte Iran, Iraq, North Korea leh Russia pawh hahdamtein a hneh thei tih tun –hnaiah tarlanna a rawn awm ve leh tlat mai a. Russian ralthuam “3M22 ZIRCON” an rawn vawrh lar hluai vang pawh a ni mai thei. An sawi dan chuan America hian ralthuam mak tak a nei a, thisen pawh chhuak lovin mihringte hi he khawvel atangin a thianfai vek thei a ni an ti a!

An zeldin thubawl deuh pawh a ni mai thei e. Cold War lai khan America chuan he ralthuam hi Project Pluto hmangin Soviet Union do nan an lo siam hlawhtling tawh a ni. Nuclear power an zirna atangin Ramjet Engine an siam chhuak a, Nuclear warhead tam tak awlsam tea Soviet Union rama thlak thei tura siam a ni. Heng an thil siam chhuahte hian tuna kan sawi ralthuam mak leh hlauhawm siam chhuah theih nan kawng a lo inhawng a ni ta reng mai.

Chu ralthuam chu van boruakah chawl lova thlawk reng thei leh Frequency sang tak neia Radio Active Wave kap chhuak reng thei bawk niin, chuta radiation chuan thisen chhuah lovin hmelmate a tihlum vek thei dawn a ni. ralthuam a ni.

He Project hi Dr. Theodore Charles Merkle khaihruaia siam a ni a. California State – Lisbon hmunah awmhmun khuarin US Air Force leh US Atomic Energy Commission-te tang kawpin 1961 leh 1964 kumahte vawi hnih US Department of Energy Nevada Test Site (NTS) hmunah an lo enchhin tawh a ni.

Chung hun lai chuan Non-American Newspaper-te chuan an sawiselin pressure an pe nasa lutuk a, America pawn he ralthuam mak dangdai tak siamchhuah hi uanpuia sawi chhuah chi niin a hre ta lo va, a ngawihbopui ta reng rih a ni. Tichuan he ralthuam pawh hi silai hmetpuak lo leh Bomb thlak lova ram pakhat khawvel map atanga thaibo theihna ral thuam an ti ta a ni. (He thil hi a taka hmuh tur leh finfiahna chiah a awm loh avangin, chhiartute ngaihdanah a innghat a. Hriatzau nan kan rawn tarlang mai a ni e.

Ref: Express. Wikipedia.
By Bernard L. Chhangte

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!