Your Daily News

Kamala Harris Chuan President Thuneihna Changin, US History-ah Hmeichhe Zingah President Thuneihna (Power) Nei Thei Hmasaber A Ni

0 2,108

Kamala Harris Chuan President Thuneihna Changin, US History A Hmeichhia President Thuneihna (Power) Nei Thei Hmasaber A Ni

Zirtawpni liam ta khan US V. President ni lai Kamal Harris chuan thuneihna chang lailawkin, US history-ah US hmeichhia te zinga President thuneihna chang hmasa ber leh awm chhun a ni.

Zirtawpni liam ta khan US president tang lai Joe Biden chu damdawi lama mithiam ten a hriselna an endiksak a, hei vang hian hun reilote chhung atan Kamala Harris chuan President thuneihna chu a chang ta a ni. President hi medical check up hmachhawn tur a nih avangin na hriatlohna damdawi (anesthesia) pek a ni.

White House press office chuan Congress ah lehkha tichhuakin, chhun Dar 10:10am khan VP Kamala Harris chu president thuneihna pek lailawk a nih thu a tarlang a, Prseident Joe Biden chuan chhun Dar 11:35am ah thuneihna a la let tih White House thuchhuah chuan a tarlang.

Press Secretary Jen Psaki chuan, “Vawiin ni a thil thleng hi, US ram pum hmeichhiate tan thil chhinchhiah tlak tak leh ni chhinchhiah tlak tak a ni.” tiin a sawilang nghe nghe.

US history a President thuneihna chang tawhte zinga upa ber chu Joe Biden a ni a, kum 79 na a hmang zo chiah tihah a taksa hriselna endik a ni zui a ni. Biden hi a taksa hriselna a that leh that loh colonoscopy hmanga a endik a ni a, hetih lai hian na hriatlohna damdawi pek a ni. Ram danpui in a phal angin VP Kamala Harris hnenah US Armed Forces chunga thuneihna leh nuclear ralthuam hman theihna thlenga thuneihna sang chu hlan a ni ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!