Brazil federal judge chuan an ram president hlui, Luiz Inacio Lula da Silva chu ram chhuahsan a khapsak hnuah, a passport a laksak nghal.
Judge Ricardo Leite hian Lula hian Brazil hnena military jet hralhtu, Swedish firm chu dan loa thawhpui a, hlawkna lo tel vea puh a nih chungchang a chhui mek a ni. Lula hi a thubuai dang, eiruk thubuaiah thiam loh chantir a ni tawh a, court thutlukna ngaihtuah ṭha tura ngenna a siam chu hnawlsak a ni bawk. Judge pathum awmna panel chuan Lula-a appeal thehluh hi a hnawlsak bakah, trial court-in kum kua leh a chanve tang tura a lo hrem chu kum 12 leh thla khatah a tihsei sak bawk a ni.