Kyaw Soe Oo leh Wah Lone-te hi ni kum September khan Myanmar high Court chuan kum sarih lungin tang turin an chungthu a rel tlu tawh a ni. Kyaw Soe Oo kum 28 leh Wah Lone kum 32 te hi Reuters journalist an ni a, Rakhai state ah sorkar pawi an khawih vanga man an ni. Pi Shu, rorelna platforma thutthleng a chan ve hnua hetiang thil lo thleng thei hian khawvel beng a verh hle a, a politic khelh lai kha ka va ngai em ti a tap hla cham pawh an awm nual a ni kha.
Bei nge sei rundung tiin kar kaltaa an ukilin appeal a siam chu high court chuan a pawm loh avangin beisei anga thil a kal tluan loh thu an chhung leh unauten an tar lang. He mite hian Rakhai state a Myanmar sipaiten a ruka Rohingya 10 an thah chu an hai chhuah avangin ‘sorkar offial secret’ dan hmangin an man a ni. Myanmar sorkar leh sipaiten mipuinawl kan that lo an tih zuah zuah laiin an mawng an lo hlim sak kan ti ber ang chu, an thufing ‘thudik sawi chu khawchhungah an leng lo’ an tih reng kha maw.
source ‘CNN’
