Hong Kong court chuan jail-a tang mek, activist Joshua Wong chu kum 2014-a democracy phuta nawrh huaihawtna kaihhnawihah thla thum dang tan belh turin a hrem leh.
Joshua Wong hi nawrh huaihawtna hmun thenfai tuma hmalakna dang leh, court thupek zah loha puhin thiam loh chantir a ni a,a rual hian activist ṭhenkhat pawh thiam loh chantir an ni bawk.
Hong Kong inrelbawlnaa China inrawlh dan leh, China-in awp a tumna duh lohna lantirnaah Wong hi a phusa ber a ni. Kum 2014 khan thla thum chhung China sorkar inrawlh dana lungawi lohna, Umbrella Movement an kalpui a, an nawrh huaihawt vang hian khawpui nunphung pawh a khaihlak phah nasa hle.
Kum 21 mi, Wong chuan nawrh huaihawtnaa a tel chungchangah inchhirna a neih loh thu a sawi.
Kum 2017 August thla khan phalna nei loa punkhawmna buatsaihah puhin Wong hi thla ruk tang turin hrem a ni a, bail a dilna chu court-in a lo hnawlsak tawh bawk. Nimin khan thla thum dang tang tura hrem a ni leh ta a ni.
credit, vanglaini