Jordan lal, King Abdullah II chuan Jerusalem chungchanga buaina chu Palestinian leh Israel-ten inbiakna hmanga an sawifel a duh thu sawiin, hei hi Palestinian-Israel inkara buaina chinfelna kawng pawimawh tak pakhat a nih thu a sawi.
Jordan lal hian Amman-a Germany President Frank-Walter Steinemer nena Pathianni-a meeting an neihnaah he thu hi a sawilang. Jerusalem chungchanga buaina chinfel chuan Palestinian independent state dinna leh, a khawpui atana East Jerusalem hman a tumnaah pawh a pui thei dawn niin a sawi bawk.
King Abdullah II chuan Jordan in Israel leh Palestinian ram hran din chu buaina chinfelna kawng awmchhun nia a ngaih reng thu a sawi.
Jordan leh Germany ram hruaitute inkawm hian security leh defence lama thawhdun chungchangte pawh an sawidun a, Jordan lal chuan Germany-in Jordan ram a thlawp chhunzawm zel avanga a lawm thu pawh a hrilh bawk. Jordan ramah hian Syrian raltlan ṭhahnem tak an awm mek a, heng raltlante avanga Jordan-in phurrit tak a phurh mek chhawk zangkhai theihna tura puih chhunzawm zel a inhuam thu Germany hruaitu chuan a sawi a ni.
credit, vanglaini