Iran chief prosecutor Mohammad Jafar Montazer chuan an ram tualchhung buaina chhuakah Central Intelligence Agency (CIA), Israel leh Saudi Arabia ramte chu mawhphurtuah a puh.
Prosecutor chuan CIA hian kum li kalta aṭang khan an rama tualchhung buaina chawk chhuak tur hian ruahmanna a lo kalpui tawh niin a sawi a, Israel leh Saudi Arabia-ten an pui bawk a ni, a ti. Iran khawpui hrang hranga mipuiten sorkar laka lungawi lohna lantira nawrh an huaihawt leh, nawrh huaihawtnaa buaina chhuakahte chuan a bul tumtu ber chu CIA bakah Israel intelligence agency Mossad an ni a, an sum senso hi Saudi Arabia-in a pe bawk a ni, tiin a sawi.
Hetih lai hian US sorkar chuan Iran tualchhung buaina chhuakah inrawlhnaa neih loh thu a sawi. Nikum December 28 aṭang khan Iran sorkar duh lohtuten ṭum enge maw zat lungawi lohna an lantir tawh a, buaina chhuakah mi 22 in nunna chanin, mi 450 chuang man an ni tawh bawk. Mahse buaina chhuak hian ziaawm lam a pan tawh nia sawi a ni.
Iran ram hotu lu ber, Supreme Leader Ayatollah Ali Khameinei leh hruaitu dangte pawhin an rama buaina chhuak chu ramdangte thiltih niin an puh bawk.
credit, vanglaini