Your Daily News

Iran-ah sorkar thlawptuten kawng an zawh

0 485
Iran-ah sorkar thlawptuten kawng an zawh

Iran sorkar duh lohna lantira vawi eng emaw zat lungawi lohna lantir a nih hnuin, Nilaini khan sorkar thlawptu mi tam tak chuan sorkar an thlawpna lantirin kawng an zawh ve leh.

Iran sorkar laka lungawi lohna lantira nawr huaihawtna buaina chhuakah hian mi 22-in nunna an chan tawh a ni. Islamic Revolutionary Guards Corps (IRGC) hotu General Mohammad Ali Jafari chuan buaina chhuak chu a reh tawh niin a sawi. Sorkar thlawptute hian an ram khawpui hrang hrang 10-ah kawng an zawh a, eptuten nawrh an huaihawt avanga an rama tualchhung buaina chhuak chu an dem thu an auchhuahpui a ni. Kawngzawhte hian US, Israel leh Saudi Arabia ram an demna thuziakte an keng bawk.

Eptuten lungawi lohna lantirna kaihhnawihah hian mi 530 man an ni tawh a, an zinga mi 450 chu Iran khawpui Tehran-ah man niin, Arak khawpui aṭangin mi 80 man an ni bawk. Nawrh huaihawt chhung hian sorkar chuan social media apps Instagram leh Telegram te chu hman theih lohin a dah a ni.

 

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!