Your Daily News

Inthlannaah Inbumna Leh Felhlel Awm Puhna Hnawltu Election Security Official-te Pu Trump’n Na Takin A Kâp Let

0 335

Thawhlehni Nov.17, 2020 khan US Election thuneitu sang (officials)te chu na takin Trump’an a kap let tih hriat a ni. Kum 2020 US Presidential election a vote thlak danah leh Vote tlate chhiar danah pawh inbumna leh thil dikhlel tam tak a awm ngei a ni tih chu mi tam tak ngaihdan a ni.

President Trump’an tun tum US Inthlannaa kaihhnawihah thil diklo leh fello tam tak a awm tia a puhna chu Election Security Offial lam chuan “Dik lo a awm lo”‘ tiin, Joe Biden laka a tlawmna chhan dik tak chhuichiang tura Trump ngenna chu an lo hnawlsak tawh ani.

Inthlannaa hotu lawk, The Director of Cybersecurity and Infrastructures Agency (CISA) hna chelh lai Chris Krebs chu a hna atanga chawlhtir a nih thu President Trump’an Twitter kaltlangin a puang zui bawk. Chris Krebs chuan tun tum 2020 US presidential election chu America rama inthlanna neih tawh a zawngah a aia felfai leh langtlang a awm lo tih sawiin, inbumna awm anga thuthang mek chu thubelhchian dawl lo a ni tih a lo sawi tawh a ni.

Trump chuan Vote tla chhiar zawh a nih hma leh chhiar zawh a nih hnu pawhin “Hnehna ka ta” a la ti fana, Biden’an hnehna a chang a la ti thei meuh lo a ni. Hetih rual hian a personal lawyer Rudy Giuliani tiamin inthlannaah thil diklo tam tak a awm tih chu an auhla ber a ni.

He thilah Election Security Official lam chuan Inthlanna ah thil fello a awm ngei a ni tih pawm ngam turin finfiahna an hmu tha tawk lo tih an sawi ve thung. Chris Krebs chu Cybersecurity and Infrastructures Agency ah director dinhmun atanga ban a ni a, amah ngei pawhin ban a nih a inrin thu a mimal Twitter account kaltlangin a tarlang bawk.

No Evidence

“Honored to serve. We did it right. Defend Today, Secure Tomorrow” tiin a ziak lang nghe nghe a ni.

Adam Achiff, Democratic Chairman of the House Intelligence Committee chuan Krebs leh a team-ten election an kaihhruaidan chu an fakawm tak zet tih a sawiin, Trump’an lawmthu hrilh a hneka a ban ta mai chu Democracy palzutna lian tak a ni a ti.

Hetih rual hian Republican Senator Ben Sasse pawhin, “Chris Krebs’an a hna tha takin a thawk ani, state election officials te chuan thudik an rawn pholang thuai ang. A hna atang hian ban mai chi a ni lo” tiin a sawi ve bawk. Engber nge thudik hriat a harsa ang reng!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!