Your Daily News

Inthlan Dawna A Thutiam A Tihpuitlinloh Avangin Amah Vote-tu Mipui Thinrimin Thingah Phuarbetin Kut An Thlak!

0 2,909

Mexico Mayor chelh lai pa pakhat chu inthlan laiin mipui hnenah thu a tiam hnem ang reng a, Moyer atan thlantlin a nih hnuah a thutiam a tihpuitlin theih loh avangin Office a luah hnuah mipui thinrimin an zilh tih hriat a ni.

Oscar Ramirez Aguilar chu Mexica ram, Frontera Comalapa constituency atangin Mayor atan thlantlin a ni. Inthlanna neih hmain a campaign-na ah a dinna biala chhungkaw 11 hnenah tuithianghlim in tur an neih theih nan, tuidahkhawlna tuizem pek a tiam tih an sawi.

Khawtlang mamawh ber pakhat tui in tur tha pe tura a intiam angin Mayor atan hneh taka thlantlin a ni a, a nihna takah chuan Oscar Ramirez Aguilar hian a campaign laiin Tuidahkhawlna siam bakah thil dang tam tak a tiam nual niin tualchhung media lam chuan an tarlang.

Hnathawk thei tura thlantlin a nih hnu chuan mipuiten amahah beiseina sang tak an nei a, a thutiamah a dinngheh ngei an beisei tih tualchhung chanchinbu Cuarto Poder chuan a tarlang. Mahse, an rin aiin hna a thawk thalo tih an sawia, a tuizem dah chhun pawh a leak nasat avangin, a video nen lam social media lamah sawiselna nasa tak nen an pholang tih hriat ani.

Mayor Oscar Ramirez Aguilar vote-tu mipui thinrim chuan, a office-ah kalchilhin, pawnah an pawt chhuaka, thingkungah a kut an tawnbeta, an sawisa ta nek mai a ni.

Tuidahkhawlna tuizem chu ka siam tha ang a tih hmaloh a kut phuarna chu an phelh duh mai lova, siam tha leh tura intiamkamna a neih hnuin an chhuah leh ta a ni. An thil tih chu mi tam takin an ngaisang hle.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!