Your Daily News

Import Law Behchhanin Aung San Suu Kyi Thubuai Siamsak A Ni

0 761

Myanmar ram buaina chuan ziaawm lam a pan thei lova, UN Security Council thutkhawm hmanhmawh taka koh a nih hnuah pawh China chuan a Veto power hmang tangkaiin, inremna a siam duh chuang lo a ni.

UN chuan Myanmar sawrkar chu hrem a tum zet a, China chuan hei hi duh loin, UN in hremna a pe a nih chuan an ramchhung boruak chuan chhiat lam a pan zual dawn tiin a theihna chelekin a lo dang a ni.

NLD hruaitu lu Aung San Suu Kyi kum 75 a upa chu thil lakluh leh thil thawnchhuak (export and import) dan behchhanin thubuai siamsak a ni. A ni bakah U Win Myint chu COVID-19 protocol bawhchhiaa puh a ni bawk.

Sipaite hian Aung San Suu Kyi an hren hnuah a chenna in dap zuiin, a personal security hnen atangin transceiver (walkie-talkies) 11 an man a, hei hi dan lo anga thil lakluh leh thawnchhuah a ni tiin thubuai an siamsak zui tih an sawi.

2020 September thla liam ta khan President Win Myint chu khuarel chhiatna (disaster manegement law) bawhchhia a puh niin, a campaign-na ah amah tantu voters mi engemaw zat a hmu tih chu an tanchhan pakhat a ni bawk.

Nimin mai khan Myanmar ramchhunga Hospitala thawk doctor engemaw zat chuan sipai sawrkar an thlawp loh thu an sawi a, an hna chu sipai rorelna hnuaiah chhunzawm an tum loh thu an tarlang bawk. Gangnaw district hospital a an hotupa ber chuan “Kan duh ber chu kan mi thlante ngeiin sawrkar an hruai hi a ni” tiin AFP a hrilh.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!