Your Daily News

German Boxer Lar Chu A Khingpui Nen An Inhnek Laiin Ring Chhungah Lungphuchawlin A Thi Thut!

0 2,375

Undefeated German Boxer Musa Askan Yamak kum 38 a upa chu a khingpui Uganda veteran Hamza Wandera nen German khawpui Munich-ah an inhnek laiin ring chhungah lungphuchawlin a thi tih Turkish Official chuan a tarlang.

Report atanga a landanin Boxer Yamak hian a khingpui Wandera hnen atangin second round-ah kuttum a dawng nual tih hriat a ni a, third round chu a tan tan lak a ngaih hun lai tak a ni.

Mahse, vanduaithlak tak maiin, third round pawh an la tan hma hauhin ring chhungah Yamak chu a tlusawp nghal a, biak tur awm loin a boral hlen ta ani.

German Boxer Musa Askan Yamak hian vawi 8 a inhnek tawhnaah hnehloh nei loin fight record 8-0 a nei mek a, a khingpuite hi Knockout in a hneh fai vek a ni.

Turkey rama piang Yamak hian 2017 kumah boxing a luhchilh tan a, miten an hmelhriat tak tak hun erawh 2021 kuma WBFed title a hlawhchhuah hnuah a ni.

A thih thu hi Hasan Turan chuan Twitter kaltlangin a tarlang a, “Kan thiantha Alucra boxer lar leh kum naupangte a European and Asian Championships hlawhchhuak thei Musa Askan Yamak chu kan chan ta” tiin a ziak lang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!