Your Daily News

France-in oil leh gas zawn khap dawn

0 576

France chuan kum 2040-ah an ram chhunga oil leh gas zawn hna thawh ṭhin chu a khap tawh dawn.

France Parliament chuan President Emmanual Macron-an fossil fuel hman ṭhin tihtlemna tura ruahmanna a siam chu a pawmpui a ni. He ruahmanna siam hnuaih  hian oil leh gas zawnga leiverh ṭhin chu khap a ni dawn a, tuna phalna la nei mekte pawh kum 2040 aṭangin tihtawp vek an ni ang a, a thar pekchhuah an ni tawh lo ang.

France hi khawvela oil leh gas zawn khapna dan siam hmasa ber a ni. Mahse France-in oil leh gas a hman zinga 99% hi ram dang aṭanga a lakluh a ni a, khapna dan a siam pawh hian nghawng a neih len lutuk rin a ni lo thung. Mahse France sorkar chuan dan an siam chuan ramdangte pawh hetiang dan siam tura a nawr an beisei thu a sawi.

Marcron chuan khawvel boruak inthlak danglam chak leh lum chho zel venna kawnga France chu a hmahruaitu ni tura a duh thu a sawi. Kum 2040-ah France-ah diesel leh petrol hmang car hralh khap a nih tur thu pawh alo sawi tawh a ni.

 

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!