Your Daily News

Donald Trump’an Defence Secretary Mark Esper Bân A Nih Thu A Puang

0 302

Mi tam takin an lo rinlawk ang ngeiin Donald Trump chuan election tum 2-naa a chakloh hnuah hun rei tak a lo tei theih tawh loh Defence Secretary Mark Esper chu ban a nih thu Twitter kaltlangin a tarlang chiang ta.

Mark Esper ban a nih thu a sawichhuah rual hian Director of the National Counterterrorism of Centre, Christopher C. Miller chu Defence Secretary aiawhtu atan ruat nghal a nih thu a sawi nghal bawk a ni. Mark Esper chu a hnathawh tawhnaah lawm thu hrilhin Christopher C. Miller chuan a hna zo taka a thawh ngei a beisei a ti.

He thutlukna hi Donald Trump Elclection a hlawhchham tak hnu ni 2 naah siam fel niin an 2 hian innghirnghona a lo nei tawhsa bawk nen thutlukna chu a siam ta nghe nghe a ni.

Esper nena an inkar khik chhan pakhat chu Geogre Floyd thihna vanha lungawilohna lantirtute hnenah sipai chakna hmang tura a thupek chu Esper hian dodal in sipai hmanga mipui vau zam leh kutthlak chu Esper hian thalo tiin a lo hnial kalh a ni. Heta tang hian an rilru chu a inhmu lo tial tial bawk.

US Official-te sawidanin Esper pawhin englai pawha banna thehlut thei turin a in kausa reng a ni tih an sawi lang ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!