Your Daily News

Dinner Party Neihna Hmuna Kim Jong Un Sawiseltu Economic Ministry Workers Mi 5-te Chu Kahhlum An Ni

0 739

Kim Jong Un policy sawiseltua puh North Korea Economic workers mi 5-te chu kahhlum an ni tih hriat a ni. Mail Online in a tarlan danin July 30, 2020 khan sipai rualten heng Kim sawiseltua puhte hi silaiin an kaphlum tih a tarlang.

Heng ram sum leh pai dinhmun enkawltu mi 5 te hian dinner party an buatsaih laiin Kim Jong Un kalphung leh a hmalak dan chu an sawi niin an sawia, thuneituten heng an tawngkam hi an hriat chhuah hnuah koh khawm nghal an nia, man an nih hnuah an that zui ta a ni.

Report-na in a tarlandanin heng sawrkar-a mi pawimawh 5 te hian an ram thil siamchhuahna lama hma a sawn thei lo leh industrial reform neih a ṭul thu an auchhuahpui a ni.

North Korean thuneituten DailyNK an hrilh danin Central Party’s Economic Ministry-a executive mi 5 te hi sawrkarin ram hmasawnna tura sum leh pai chungchanga ruahmanna a siam dodaltuah puh an nia, July 30, 2020 khan National Security Agency in an kaphlum zui ta a ni.

That an nih hmain an tawngkam chhuakte chu Kim Jong Un bulah hriattir hmasak a nia, thil awmdan an chhuichian hnuah an thil tih chu inpuang tura nawr an ni bawk tih an sawi.

Heng sawrkara dinhmun pawimawh tak tak chelhtu, mi 5 te hi an chhungte nen lam Yodeok Hamgyeongnam-do, political camp-ah sawn an nih thu an tarlang bawk a ni.

Kim Jong Un rorelna rorum tak hnuaiah mi 10 chu dahthat an ni tawh niin an sawia, an zingah hian Jang Song-thaek, sawrkara mi pawimawh tak pawh a tel tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!