Your Daily News

CONSTITUTION TIDANGLAM TURIN NLD IN A NAWR TAN

0 457

NLD chuan a lo sawi tlawr dup tawh chu a takin a bei tan ta, Danpui zinga a tha lote chu tidanglam turin parliamentah a theh luta, sipaipawl chuan an kalh nghal, mahse Danpui tihdanglam hi kan kalh lova thil kan tihdan zawk hi a ni tiin sipai pakhat chuan a sawi.

Makue biala parliament member U Aung Kyi Nyuit chuan tuna kan dan hman mekah hian democracy nena inmillote a awm teuh avangin constitution siam that vat a tul,siam tha tur chuan a siamthatuturte a ranglama ka ruat a ngai tih a thun lut.

2008 danpui tihdanglam chungchangah NLD chuan 2013 khan mipuite a rawn a, Myanmar mipui za zela sawmkuaten tihdanglam an duh thu a tar lang tih a sawi bawk. Mahse sipai pakhat chuan danpui tihdanglam kan duh a nih pawhin tihdanglam theihna dan kan neihsa angin kan ti tur a ni lawmni tiin a hnial kalh nghal a ni.

Sipai lal Mg Mg chuan dan anga thil kan kalpui dawn lova, kan duh duh dana kan her danglam vel dawn a nih chuan a tawpna tur chu ‘a tawk e aw’ tih hi a ni mai a ti.Chumi zawhah chuan Union parliament chairman U Ti Khun Myat chuan chutiang chu kan pawm thei lo a tih ve leh sipaiho chu an ding thut a, chairman chuan ‘kha kha engnge a awmzia?’ tia a zawh chuan an chhanna ri hriattheih a ni ta lo. hi hi hi

Mahse parliament dan siamtu committee zinga secretary doctor U Nya Na Soe chuan dan kalh engmah a awm lo tiin a chhanga, chuveleh parliament chairman U Ti Khun Myat chuan sipaite chu thu turin a ngen a, kalhtu a awm vangin vote thlakin kan rel fel ang a ti ta a ni.

Vote an han thlak chuan constitution (danpui) tihdanglam duhtu lamin vote 394 a hmu a, duh lotu lamin vote 17 leh vote thlak duh lo 3 an awm. Makue biala parliament member U Aung Kyi Nyuta rawtna chu a tlir ta, kut beng hial teh ang khai. Danpui (constitution) pawh an sawi dangdam thei tawh dawn a nih hmel e, khuaa var thuai teh. February ni khatah hian parliament an thu leh dawn, i lo thlir ang.

source VOA

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!