Myanmar inkaihhruai dan ti danglam tur chuan tuna sorkarna chelhtu NLD te hian a bulthut pathum hi ti danglam pawt se a tha ang tih party thenkhat leh politic zirtute chuan an sawi. Tin hemi pathum tih danglam hi kum 2020 hma ngeia tih a tha ang a ti bawk. Kan hnung lawka Pi Shuin Chin hill a kal tumah inkaihhruaina dan tih danglam a tum thu a sawichhuah hnua he thu hi lo chuak a ni.
Chin hill a kal tumah ram inkaihhruaina dan chu theih tawp chuaha tih danglam a tum thu a sawia,mahse a aia pawimawh zawk tih danglam tur a awm tih politic lam zirtuten an sawichhuak ta a ni.Chute chu 1) mipui thlan parliament member chu sut leh theihna 2) ram tana thil pawimawh chinah mipuite ngaihdan lak theihna leh 3) state leh division a vote hmu tamber party-in prime minister thlantheihna an nei tihte hi thlak hmasa phawt se an ti a ni.
Kum 2008 dan bu No. 396 (a) ah chuan parliament member a hna atanga bantirna tih chu chuang ve ngei mahse, a taka hmang tur hian eng dan mah a awm chuang lova, a tih theih tak tak lo. Chuchuan rorel a ti hnufual a, dan thenkhat chu mipuite thlawp dan dik tak hriat theih tura mipui ngaihdan lak theihna dan siam a ngai tiin Kachi National Congress hruaitu N Kaw Lah chuan a sawi.
Union parliament ah NLD chuan 68%in an chaka sorkarna an din tawh chuan, state leh division lamah party dangin vote an hmuh that chuan chung party chuan state sorkar chu hruai se, chak bik an awm lo a nih pawhin inkawpin state or division sorkar siam mai se, chuti ni lova, chung lam atanga inawp ka ni tho tho. Tehkhin nan Rakhat stateah hian Rakhai unaute chu tam zawk mahse U NiPuh chu NLD a nih vang ringawta state minister a ni tlatte hi, siam that a ngai a ni.
Kum 2020ah chuan hetiang hi ni tawh lo hram se, tun chu an la tuai deuhah kan ngai ang, tin mipuite hian lu suk chauh kan thiam tur a ni lova, thil fel lo chu a fel lo kan ti ngam tur a ni. Ram inkaihhruaidan siam thatna turah hian a then chu siam har leh siam awl a awm a, mahse siam awl pawh hi siam an tum lo nge, chubakah politiciante pawh NLD hian a rawn der ngai lo tiin CLD hruaitu Pu Ngaihsaka chuan a sawi.
Dan number chumichu tih pawh awm chuang lo, ka tum tih chauh hi kan hriat chu a ni a, tutenge a rawn, party dangte, politiciante, hnam puipate, anih loh vek leh sipai lam teh a rawn em? chutiang awm lova NLD parliament memberte chauh rinchhan chung chuan a tlin ka ring em em lem lo, titu an awm bawk.
Pi Shuin Hakhaa a sawi leh Thlantlanga a sawi hi a in mil chiah lo a ang. Hakhaah chuan ram inkaihhruaina dan siam that hna kan thawk mek a, mipuite hmaah kan tlangzarh anga pawm turin kan ti ang a ti. Mahse Thlantlangah chuan inkaihruaina dan siam that chu parliament tihtur a ni, sipai leh sorkar tih tur pawh a ni lo a ti leh lawi si. Chutiang a nih chuan NLD parliament memberte hian ram inkhaihhruaina dan siam that hna chu engtikah hian nge an tan dawn,felfai taka ruahmanna an nei tawh em tih hi kan zawhna chu a ni tiin Doctor Yan Myo Thei chuan a sawi.
source ‘VOA’
