Your Daily News

Attorney General William Barr’an US Inthlannaah Vote Thlakdan Diklo Leh Felhlel Sawi Awm Chungchangah Prosecutors-te Chhuichiang Turin Thuneihna A Pe

0 265

Thawhtan ni khan Attorney General William Barr chuan US Election 2020 a Vote thlak danah diklo leh felhlel awma sawi awm chu chhuichiang turin federal prosecutor-te hnenah thuneihna a pe ta rup mai le.

Thawhtan tlailam khan Barr’an memo a thawnna ah December thlaa election result nemngeh a nih hma ngeiin Justice department prosecutor-te chu thudik hailang tur leh vote thlaknaa inbumna awm anga thuthang awm chu chhuichiang turin thuchhuah a siam ta a ni.

Mahse, memo ah hian rilru suangtuahna, pawnlam landana ni awm tak a lang, ngairuatna ang chi leh tihluihna thilte chu federal hnuchhuina atan innghahna tlak a ni dawn lo tih a sawi lang bawk.

President Trump leh ama mimal attorney Rudy Giuliani chuan vote thlakdanah felhlel awm ngei niin a sawia, Trump tantuten he thil an auchhuahpui chhunzawm zelin finfiahna nghet tak awm chuang silo in state tam takah US election 2020 ah inbumna a awm tih chu an thehdarh nasa hle bawk.

Hetih rual hian Donald Trump chuan state engemaw zatah Joe Biden nena an inbeihna vote tlakdan chu enfiah a nih theih nan thubuai a thehlut ve leh bawk.

Biden chuan Inrinni liam ta a Nevada leh Pennsylvania a hnehna a chan hnu khan US president dinhmun luah mai thei turin Electoral vote ah Trump a lehpel ta a ni. Lo thlir zel teh ang!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!