ARSA ten venbuk an beih thut avangin Myanmar sipaite pawn an tih tur dik tak ramri buainaah an inrawlh a, misualte chu an beih let atang khan Rohingya nuai 7 vel chuan Bangladesh an bel ta a nih kha. Mak tak mai chu ARSA chuan ngawih a chuh a, an chanchin hriat tur a awm lo leh engnge an tih dawn tih pawh a chhui theih meuh lo niberin a lang. July 26 khan ARSA chungchang chu DNA India chanchinbu chuan a rawn tarlang ta a ni. Reporter Manisukala chuan ARSA leh India sorkar kut huaia awm sipai pawl khat Assam Rifle chu an inkap tih a ziak. ARSA hian India leh Myanmar inrina Myanmar lam depah tanhmun siam a tum laiin Assam rifle nen an inkap a ti a, mahse ARSA chuan an tweeterah ‘reporter phuahchawp mai mai a ni, keini chuan kawlram sipai lo chu tumah kan do lo’ tiin July 29 khan an rawn tarlang.
May thla nawiah Amnesty international chuan ARSA hian Hindu sakhaw betute tam tak an thah tih finfiahna nen an rawn pho chhuak a, May 25 ah ARSA chuan ‘Rohingya hmusittu Rakhaiho mah kan that lova inhuatna pawh awm lo Hindute chu engahnge kan that teh lul ang’ tiin an rawn chhang leh. Mahse tunah an thawm hriat tur a awm leh tawh lo.
source ‘BBC’
