Your Daily News

Mobile App ah chhiar theih in a awm e

ARSA CHU TUTENGE NI?

0 112

August thla 25ah Rakhai state chhunga ramri venbuk 30 chu Rohingya in tialtualho te chuan ralthuam nen a rualin an rawn bei hrep a nih kha. Khami tuma mifirfiakte khan ‘ARSA’ Arakan Rohingya chhandamna sipai pawl kan ni tiin khawvel hriatah an inpuang ta a nih kha.

BBC reporter Jonathan chuan Rakhai state atanga Bangladesha tlan refugeete leh ARSA nena inkungkaihna neite an inbiak pawhin ARSA chuan Rohingya tan hmalak an tum dan mumal taka an neih chuang loh thu leh ARSA chu mipui zawng zawngten an thlawp vek lem loh thu a sawi.

ARSA hian ralthuam tha an nei chuang lova talhtum leh raw zum vel mai mai an hman thu Myanmar thuneitute pawhin a sawi. Bangladesha awm mek refugee pakhat chu Jonathanan engvanga rawn tlan nge i nih tih a zawh a, chu pa chuan ARSA hovin ramri venbuk an beihnaah tel vek turin kan khua an nawr a,thalaite chu chem an pe a, khaw bula venbuk chu an beih tir a, kan bawng leh kelte an ei atan an la bawk, Kan khua atang mi 25 chuan venbuk an bei a, mahse an lo kap hlum deuh vek, ARSAin a pui der si lo, ka dem khawp mai tiin a chhang. ARSA a kum 4 lai lo service tawh pakhat pawh tunah kum 20 chauh a la ni.

Chu tlangval chuan ‘2013ah ARSA hruaitu Ata Ula kan khuaah a lo kala, ralthuam nena kan chet a hun ta tiin khawkhatah 5 atang 10 theuh thawh turin thu a pe a, ram ngaw chhungah min hruai lut a, khawl chhia a awm Pistonin Bomb siam dante min zirtir’ a ti.

Ah hotupa hi Pakistan rama piang Rohingya hnam a ni. ARSA ten thawm an neih lohna hi a rei thawkhat viau mai a, engnge tih an tum zel ang le?

source ‘BBC’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com