Your Daily News

A Kekawrtê-ah COVID-19 Sum An Hmuhchhuah Hnuin Senator A Nihna Aṭanga Bâng Turin An Phut

0 367

Covid-19 hrileng mek karah ram tam takin an ram mipuite himna ngaihtuaha mutmu pawh tuah lova theih tawp chhuaha leader-ten hma an lak mek laiin, ramhruaitu pakhat chetdan hian khawvel a sawinghing nasa hle.

Brazilian Lawmaker Chico Rodrigues chu police-ten a chenna in dapin an thawng thut maia, a kekawrte ah pawisa thuhruk tam tham tak an manchhuak tih hriat a ni. He thil zahthlak tak avang hian Senate atanga bang turin nawrna a awm mek thu AA chuan a tarlang.

Covid-19 dona atana sum ruahman R$20 million reais zet chu diklo taka chhepralh a nih thu hriat a nia, he thil hi chhuichiang turin Police-ten Senator chu a chenna inah an thawng thut tih an sawi. A chenna inah R$30000 an hmuchhuaka, a bak zawng chu a kekawrte ah lo thukruin an man chhuak ta vek a ni.

Chico Rodrigues chuan thil thleng chungchang chu zahthlak a tih thu leh eiruk hlemhletnaah a tel ve lo tih chu sawi ngaihna awm lo khawpin a chetdanin a tilang chiang hle a ti bawk.

Senator Richo Rodrigues hi Roraima state aiawhtu tur atana tlantlin niin Brazil President Jair Bolsonaro thlazar hnuaiah Deputy leader nihna chelh mektu a ni.

Brazil ramah hian Covid-19 kai 5 million chuang an awm tawha, khawvela hri vei tam lamah pathumna dinhmun hauh mektu an ni. Kan ram Mizoramah pawh hian eiruk chingte kekawrte zen ngam police leh thawktu dang mihuaisen kan mamawh ta hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!