Your Daily News

Wuhan Virus Live a Puangtu Chu China Sawrkarin A Man Hnuah Hremna A Tichhuak Ta!

0 319

Khawvelin a tawrh leh a buaipui mek COVID-19 natna chu khawvel mite ngaihah Wuhan Virus tia hriatlar a ni a, a la ni reng tawh dawn bawk. He natna khirh tak mai Wuhan atanga a darh chhohdan leh a chanchin kimchang chu China sawrkar chuan khawvel mite hriatah puanchhuah a remti hauh lova, puanchhuah a nih loh nan hma a la chhunzawm zel a ni.

Mahse, hetichung hian chanchinbu mite leh mithenkhatte chuan Wuhan virus chungchangah tawngkam an nei nual a, a thente phei chu Live meuha mipui hma virus chungchang puangchhuak an awm bawk. Heng mite zingah hian hmeichhe pakhat Zhang Zhan pawh tel vein, China sawrkarin Wuhan virus a chungchang ngawihpui a tum dan chu Live in mite hriatah a puang darh a ni. He a thil tih avang hian May thla liam ta khan man a ni a, tân inah khung nghal ani.

Zhang Zhan chungthu chu Court ah ngaihtuah a ni a, December 28 khan Kum 4 chhung tâng turin Shanghai Court chuan hremna a pe zui ta a ni. Zhang Zhan thubuai ah thutlukna puan a nih lai hian thuneitu lam chuan Chanchinthar lakkhawmtute chu Court bul hnaiah awm an khap tlat bawk. Zhang Zhan zawhna zawt duhtute pawh an hlawhchham ta ani.

China sawrkarin Zhang Zhan thubuai an siamsakna chhan chhuanlam lian deuhte chu, mipui hmaa thudiklo thehdarh leh buaina chawkchhuak zawnga thu aupuiah a puh a ni. Tunthleng hian China sawrkar chuan Virus thubuai ah mi 8 hremna a pe tawh nia hriat a ni. A ruka a thil tih erawh hriat vek theih a nilo.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!