Your Daily News

Video: Wrestler Sushil Kumar Tualthahna Thubuaiah Ukraine Nula A Rawn Lang Chhuak! Mak Takin A Bibo Zui

0 863

Junior Wrestler Sagar Rana tualthihna thubuai chu uluk taka chhuichhoh mek a nia, Rana thihnaah hian Olympic medal tum 2 hlawhchhuak tawh Sushil Kumar chu mawhphurtu bera ngaih niin hman ni lawk khan Delhi Police-ten an man zui ta a ni.

Hriat tawh angin Sushil Kumar hi Dehli-NCR Regiona misual pawl hlauhawm tak takte nen thawkho a puh a nia, Rana nen an inkara buaina chhuah zan thil thleng leh tiang hmanga a vuak lai chu amah thiamloh chantir nan a tawk lo niin thuneitute chuan an ngai a ni.

Police-ten amah an man hnuah thil thlendan kimchang an umzui char char a, he tualthahna rapthlak tak phenah hian Ukranian hmeichhe pakhat a lo lang leh ta tlat mai le! Sushil Kumar-a’n junior wrestler Sagar Rana a thahna chungchang ah hian he Ukranian hmeichhia hian pawimawhna thuk tak a nei niin an sawi.

Times of India in a tarlan danin, Indian wrestler 2 te intihbuaina thuhla ah hian Ukraine hmeichhia hi buaina bul a lo intan chhohna a nih an rin thu thuneitute chuan an sawi a, thil awmdan an chhui zui mek a ni.

A landanah chuan Ukraine hmeichhia hian Sushil Kumar chenna in chu amah awm loh hlanin a tlawh zing hle tih hriat a nia mahse, hnuchhuinaa telte chuan he hmeichhia hi khawnge a bikbo an hre mai thei lo a ni.

Report atanga a landanin, Sushil kumar thianpa Ajay Kumar leh Ukraine hmeichhia-te hi an inhnimhnai niin an sawia, he buaina chhuah zan hian Ukranian hmeichhia thiante 2 Amit leh Sonu Mahal bakah Rana tiamim Sushil Kumar pawh an kiangah a awm ve niin an sawi. Ajay Kumar chu he Ukranian hmeichhe birthday party ah hian mawilo taka a chet avangin tawngkaa inhnialbuaina a chhuak zuia, Mahal leh Rana te chu lehlamah inla chho in, a hnu deuhah Sushil Kumar leh Ajay Kumar te pawh an inhnial zui tih hriat a ni.

Suhshil Kumar thinrim chuanin, Mahal leh wrestler Rana te chu in chhuahsan turin thu a pe zuia, Sagar Rana chuan a lo hnial luih talh avangin a hnuah a kidnap zuia zanah inchhungah hreng zuiin Rana zawk chu a khawih hlum ta a ni. Ama sawidan chuan thah a tum niloin, tihthaiha vauzam a tum mai a ni a ti a ni.

Sushil Kumar hian Jail atang chung pawhin Tokyo Olympic atan a inbuatsaih chhunzawm zela, hmanni lawk pawh khan chaw tha kham khawp a mamawh thu thuneitute hnenah a lo ngen tawh a ni. Rana tianga a vuak lai chu a thiante record tura hrilhin wrestler dangte vauzam nan hman a tum niin an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!