Your Daily News

US Capitol-ah Buaina Namenlo A Chhuak! Trump Ṭantute Leh Police-te Innawrnaah Mi 4 In Nunna An Chân Tawh!

0 324

Hriat tawh angin January 6, 2021 chu US President tura thlantlin nemngheh ni a ni. Janaury ni 20 ah President chuan Office a luah tan dawn bawk a ni. Hetih lai hian buaina a sosan chhoh zel avangin felfai takin President nemnghehna hun pawh hman ngaihna a awm lo tluk a ni.

State thenkhatah Joe Biden’an hnehna a chan thu puan a ni tawh a, inthlanna (election) ah khan hnehna chang tawh mahsela official erawh chuan puan a la ni lo thung. USA khawpui ber Washington DC-ah president nemnghehna hun an buatsaiha, he hunah hian official a engkim tihfel an tum a ni.

Tianga ruahmanna a kalchhoh mek lai hian President nihna la hmang zo lo Trump tantu pawlte chu hriamhrei leh hmanruate nen Capitol luhchilh tumin an thawk chhuak zui ve ta nghal bawk. Security lam nen nasa taka an innawr hnuah official ho awmma inpui chu an luhchilh ta rup mai a ni.

Tianga Police te leh Trump supporter-te an innawrnaah hian mi 4 an thih thu hriat a ni tawh a, mithi zingah hian hmeichhe pakhat Ashli Babbit air force vet pawh a tel tih an sawi. Ashli hi a awmah silaia kah a nih thu an sawi a ni. A hmain Air force ah kum 14 chhung zet ram tan hna a lo thawk tawh a ni. DC Police te chuan mi 3 dang thite erawh an thih chhan dik tak hriat a nih loh thu an sawi a, medical emergency mamawh vanga thi an nih an rinthu an tarlang bawk.

Boruak a sosan em avang hian official te chu hlauthawngin hmun him lamah an biru ta vek a, a hnuah Donald Trump pawhin buaina siam lo tur leh a ralmuang zawnga che turin amah tantute chu Twitter kaltlangin a ngen ve nghal bawk.

Tiang taka buaina a sosan chhan hi President in media kaltlangin US inthlanna chu a dik lo a ni tia thu a post thin vang nia ngai an tam hle. Twitter pawhin darkar 24 chhung chu a account an block sak zui bawk.

Darkar 24 hnuah thudiklo leh thubelhchian dawllo a post leh a nih chuan kumkhuaa a account tih tawpsak a nih tur thu an puang nghal bawk. Buaina a reh mai theih loh avangin Mayor Muriel Bowser chuan ni 15 chhung curfew a puang ve leh nghal a ni.

US President hlui Barack Obama pawhin buaina a chhuah chhan chu President Trump vang a ni a ti ve bawk. US rama buaina chhuak chu khawvel history ah miten an hriatreng tawh tur thu a sawi lang. US rama thil thleng chu khawvel mite hmuhah thil zahthlak tak a ni a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!