Your Daily News

US Border Agent-ten Mihring Sam Thahnem Tak US-a Lut Tur An Man

0 256

US Customs and Border Protection chuan mihring sam (hair) tam tham tak China ram atanga US a thawnluh tur an man tih an sawi.

Heng mihring sam an mante hi a tlangpuiin Asia ram, China atanga US a phurhluh thin a nia, sam thawnchhuaktu company hnenah Withhold Release Order (WRO) pawh an pechhuak nghal tih CNN chuan a tarlang.

An sam thawn chhuah tam ber chu Western Xinjiang atanga thawn chhuah a ni thu an sawia, helai hmunah hian hnathawktu mi thahnem tak chu tihluihnain an sam tansak an ni tih an sawi.

Helai hmunah hian Uyghurs hnam leh hnam tenau tiamin mihring 2 million zet 2016 kum khan Detention Camps ah hrên an ni tih activists group chuan an tarlang.

Research company mintel in a tarlandain mihring sam ‘Black Gold’ industry chu United States economy tan 2018 kum khan 2.5 billion zet a tling tih a tarlang.

Mi tâng pakhatin tihduhdah leh nghaisak an tawrhdan rapthlak tak chu sawichhuakin chi thlah thei lo tur leh fa nei thei lo tura siam an nia, tihluihnain an lu ziahkawlhsak an ni tih a sawi bawk. September thla liam ta khan Lop County Hair Product Industrial Park, Xinjiang a mi pawh Withhold Release Order (WRO) pek a lo ni tawh a ni.

US Customs and Border Protection sawidanin 13 tons (11.8 metric tons) sam siamchhuah an mankhawm chu $800,000 lai a tling tih an tarlang. US chuan dan phalloh sumdawnna (mihring sam) US a lakluh chu a khap zui nghal a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!