Your Daily News

Twitter In Tiamchin Awm Loin Trump Hrem Leh, President Thar Biden Lakluhnaah Trump Tel Tum Lo

0 329

Twitter chuan Donald Trump hremna thar tichhuak leh in, January 9, 2021 atangin tiam chin awm loin a account a tih tawpsak leh!

A hma pawhin Twitter chuan US election kaihhnawihah President Trump chu thubelhchian dawllo leh thutling lo tarlang thinah puhin, a thu post thahnem tak a lo paihsak leh tawh a ni. Amah pawh vawi tam fimkhur turin thu an lo pe tawh bawk. Hei bakah hian amah tantuten US Capitol inpui an luhchilh lai pawh khan darkar 24 chhung a account a lo tih tawpsak tawh bawk.

Tianga hremna an pek chhan ber pawh Trump chuan amah tantute chu tharum thawha pawikhawihna thlentir turin a fuih pawrhah an ngai a ni. Tiang tehnuaia thil a kal tak avang leh an dan bawhchhiaa puh anih avangin tiam chin awm loin hremna an pe leh ta a ni. Facebook leh IG pawhin January 20 thleng hremna an tichhuak tawh bawk.

Media lamah harsatna tawka hun a hman mek lai hian, Donald Trump chuan US President thar atan Biden lak luhna hunah a tel dawn loh thu a sawi chhuak. He thu a sawichhuah hma hian dan pangai angin thuneihna erawh January 20 ah Biden hnenah a hlan tur thu a lo sawi tawh a ni.

US President 46th-na tur lakluhna hunah hian US President nihna lo chelh tawh mi engemaw zat an tel dawn a, Barack Obama bakah Clinton leh Bush pawh tel tur zingah an chiang sa tawh a ni. Trump hi President thar lakluhnaah a tel lo a nih chuan, President lakluhnaa tel duh lo Andrew Johnson dawttu a ni dawn bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!