Your Daily News

Russia-in Kim Jong-Un Hnenah Chawimawina Medal Hlan

0 478

Russian President Vladimir Putina’n Kim Jong-Un Hnenah chawimawina medal a hlan. He War medal hi Indopui II naa Germany rama Hitler party, Nazi tukdawl an nih hriat reng nan leh a vawi 75-na (anniversary) champhaphak ah Pyongyanga Russia Embassy hmunah hlanna hun Thawhleihni khan hman a ni.

Chawimawina medal hi North Korean Leader Kim Jong-Un hnenah hlan niin Indopui II hun laia Soviet Soldiers North Korea ram chhunga thite nghilhloh nan leh Kim chawimawi nan leh amah chawimawi nan War Medal hi pek a ni ta tih an thuchhuah chuan a tarlang.

Alexander Matsegora, North Korea rama Russia Ambassador chuan he chawimawina medal hi an ram Foreign Minister Ri Songwon hnenah Tuesday khan a hlan a ni. Kim Jong-Un hi a hriselna thuhla a thalo nia tunhnai maia sawi a awm avangin he hunah hian a lang thei ta lo a ni.

He intawh khawmna hmuna kalkhawm official-te chuan Face mask an vuah deuh vek tih an thlalak atang hian a hriat theiha mahse, tunthleng hian North Korea ram bik hian virus kai record an la awm lo a ni.

Kum hmasa pawh khan Russia chuan Kim hi Moscow tlawh tura sawmin Indonaa hnehna an chan a vawi 75-na hriat rengna military parade-na hmuna tel turin a sawm nghe nghe a mahse, he thutlukna hi Pandemic avangin sawn hlat a ni leh ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!