Your Daily News

Ring Girls-te Chunga A Tawngkam Chhuak Avangin Khabib Nurmagomedov In Sawisel A Hlawh!

0 690

UFC icon Khabib Nurmagomedov chu ring girls te chungah a tawngkam chhuak avangin na taka sawisel let a nih thu an sawi. Boxer Angelina Semenova leh Octagon girl Arianni Celeste te chuan UFC star hi ring girls te chungchanga a tawngkam chhuak avangin na takin an kap let a ni.

UFC star ropui, Record 29-0 nei tling thei Russian fighter chuan hmanni mai khan promotional event ah UFC Ring chhunga hmeichhe zei tak takte chu ama ngaihah chuan dah an tulna a awm lemlo tih a sawichhuak a ni.

A sawidanin, “Hmeichhia te hi engkawngah mah hnialkalhna leh enhranna ka nei lova, hmeichhiate hi mipa nen intluk tlang tura duan kan nia mahse, ka ngaihdanah chuan MMA a ring girls te hi a tulna lutuk a awm hran lo” tih a sawi a ni.

He a tawngkam chhuak hian Boxer leh UFC Octagon girl ni bawk Angelina Semenova chu a thin a khei hle a, Khabib Nurmagomedov chu na takin a chhang let ve nghal tih hriat a ni.

Semenova chuan, “Infiammite chungchanga Khabib Nurmagomedov ngaihtuahna leh rilru puthmang chu thing tak a ni” tiin Metaratinas a hrilh a ni. Tunah chuan kum zabi 21 na kan chuangkai tawha, hmeichhiate hian mipa te angin dikna chanvo an nei a ni a ti bawk.

Hei bakah hian Semenova chuan Khabib Nurmagomedov chu Dagestan lam chhuak nih angin, a pian leh murna hian heng ang rilru hlui tak hi a puttir phah a ni ngei ang a ti zui bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!