Your Daily News

President Macron Tawngkam Chhuak Avangin Paul Pogba’an France National Team Chawlhsan Dawn

0 387

Manchester star Paul Pogba chuan Islam sakhaw chungchangah France President Emmanuel Macron’an thil sawi a neih hnuah France ram tana a mawhphurhna an ram tana a khelh thin chu a chawlhsan tur thu a puang ta mauh mai. President Macron chuan Islam sakhua chu khawvel puma firfiaka chetna chawkchhuak tuah puhin French zirtirtu thihna ah firfiaka chetna a inrawlh ngei niin a sawi.

President Macron’an Islam sakhaw chungchangah tawngkam a chhakchhuah hnuah leh Islam sakhaw deusawh zawnga che zirtirtu lu an tan chhum tak French sawrkarin chawimawina a hlan hnuah Midfielder ropui Pogba chu thinrimin sawrkar thil tihdan chu a lung ni lo hle tih hriat a ni.

Zirtirtu lu an laksak tak Samuel Paty kum 47 mi chu freedom of speech chawisangtu leh chhawmnungtu a ni tiin French sawrkar chuan an ram chawimawina sang tak mai French Legion d’honneur an hlan tih hriat niin he thil hi Pogba chuan a ngai thei lo hle a ni.

Macron chuan Junior High School zirtirtu thihnaah hian mi firfiakte an inrawlh nia sawiin French rama zirtirtu nunna hlu tak latu ah Islamic firfiakte chu bul tumtuah a puh hial a ni.

French National team atanga Paul Pogba a chawlh thu hi Sunday ni khan Arabic sports Website-ah tarlan a nia, zirtirtu thi ta French sawrkarin a chawimawina chu national team atanga Pogba chawlh chhan ber niin an sawi bawk.

French ramah hian Christian sakhaw dawttu chu Islam sakhua niin sawrkar chet dan chuan Pogba ngeng a chhun tak meuh tih hriat a ni. French sawrkar chetdan leh a thil tih dan chu ram thenkhatten demin French ram atanga bungraw lakluh pawh an tih tawp hial a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!