Your Daily News

Pathian Thuhriltu Lar David Lah Chu Thla Thum (3) Chhung Tâng Tura Hremna Pek A Ni

0 227

Canadian Pathian thuhriltu lar, Kristiante Coronavirus lakah kan him a ni tia mipui punkhawmnaa Pathian thu tlangaupui thintu chu Myanmar sawrkarin man in a thubuai vawi engemaw zat a lo ngaihtuah tawh a ni. He a chetdan avang hian mi engemaw zatin COVID-19 an vei zui tih hriat a nia amah ngei pawh virus hrik paiin enkawlna pek a nih hnuah a tha chhuak leh ta ani.

Tianga LOCKDOWN Rules a bawhchhiat avang hian a chungchang chu Court vawi engemaw zat a ngaihtuah hnuah Nilaithawhtan ni (Thursday) khan Thla 3 chhung (3 months) tang turin thutlukna an tichhuak zui ta ani.

Southeast Asian ramte zinga pakhat, Myanmar hian pandemic chu a do hlawhtling ang reng viau maia mi 357 in an kai meka, mi 6 an thi tawh a ni. Mahse, test an tlem em avangin a vei dik tak erawh an tam ring an awma thuneitute pawh an thla a muang zan lo tih an sawi a ni.

Toronto lam chhuak, David Lah kum 43 a upa hi Myanmar rama piang niin a chawrchhuahna ram Myanmar-ah hian Pathian thu hrilin a zin fo tih hriat a ni. Myanmar sawrkar chuan Pandemic avangin March thla tir lam atang khan an ram khawpui tam takah mipui punkhawm a khapa, dan bawhchhetute chu hremna na thei ang ber pek an ni dawn tih thuchhuah a siam zui bawk.

David Lah’an “Pathian ringtute chuan thinlung taka Bible kenga Pathian an rin tlat chuan COVID-19 in a ngam lo a ni” tih a sawi lai video chu a darh nasa hle a ni.

David Lah hremna chu Yangon Court chuan tih nepsakin amah leh a rawngbawlpui Wai Tun-te chu Thla 3 chhung tang turin hremna pek an ni tih David Lah Lawyer Aung Kyi Win chuan Court in pawn lamah reporter-te a hrilh.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!