Your Daily News

Official-ten Diego Maradona Enkawltu Doctor Chenna In An Ṭhawng Thut, Maradona Thihna Chu Mihring Thahna Case Anga Chhui Zui A Ni

0 2,805

Argentina ram mai nilo, khawvel in a ui em em Diego Maradona thih thuhlaah amah ngaihthatna leh ngaisak tawk lohna a awm em tih chhuichian mek a ni.

Nimin Nov 29, 2020 (Sunday) khan Official-te chuan Maradona enkawltu Doctor Leopoldo Lugue kum 33 a upa chenna in chu Dar 8:40am khan an ṭhawng thut a, a damlo enkawl Maradona chu a enkawl a pek danah leh a hriselna chungchangah tidik loh a nei em tih an chhui zui ta nghal a ni. Amah enkawltu Lugue chu thu an zawt fiah dawn bawk tih tualchhung thuthar lakhawmtute chuan an tarlang.

He thil hi bawhzui a nihna chhan pawh Diego Maradona personal Lawyer Matias Moria chu he football legend thih danah hian a lung a awi thei lova, thil felhlel a awm ngei nia ngaiin a thihdan chhuichian a phut tlat a ni.

Doctor Lugue chu Maradona enkawltu ber a nih angin thuneitute chuan a chenna in leh a surgery office lam chu enfiah turin thutlukna an siam zui ta a ni. He hunah hian document an ngaih pawimawh ang angte pawh an endik nghal dawn a ni. Maradona chu in lama enkawl a nih lai hian mumal lo taka enkawlna pek ani em tih endik a nih tur thu Law enforcement source lam chuan Argentina La Nacion a hrilh bawk.

Lawyer Matias Moria chuan Football star ropui thih hnu Ningani khan tawngkam a nei nghala, Ambulance koh a nih atangin darkar chenve zet chu an nghah thu sawiin he thil hi misual chetphung dik ta a ni tiin The Independent Online a hrilh bawk.

A thih atanga a ni 3 na, Inrinni khan Maradona fanu 3-te– Dalma Gianinna leh Jana-te pawhin Investigators-te hnenah pa ber thihna ah hian Doctor Lugue chu diklo taka inrawlhru thei a nih thu an chhakchhuak tih The Mirror chuan a tarlang bawk. Engtin tak ni zel ang maw!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!