Your Daily News

Mexico-ah US Hmeichhe Pakhat Chu Rawng Taka Thah Niin A Ha An Chhutbalsak Vek

0 820

United State, Texas-a khawsa nu pakhat chu rawng taka thah a ni tih an sawi. Lizbeth Flores kum 23 a upa hian fa 2 nei tawhin, August ni 9 khan Mexican ramri Matamoros ah a zina, a bialpa hmu tura zin a ni tih an sawi.

Lizbeth Flores chuan a nu hnenah a kir leh thuai ang tih hrilhin, August ni 10 a lo herchhuah chuan a let mai si lova, a nu chuan police-te phone in an zawng ta nghal a ni.

August 11 ah Lizbeth Flores ruang chu ramhnuaiah hmuh a nia, nasa taka sawisak a ni tih a hliam atang chuan an hrethei tih Police-ten an sawi. A ha an chhutbal vek bakah a lu vun pawh an hik vek tih hriat a ni. Hei bakah hian lunga chhutna hnu hmuh a ni bawk. An chhutna lung pawh a ruang bulah hmuh a ni.

Lizbeth Flores, kum 23

A nu María Rubio chuan a fanu a chân ta mai chu rilru ngaihtuahna a buaiin, a thinlung a khawih na hle tih a sawia a fanu thihna rapthlak tak chu tuarthiam har a tiin a tuarpui tak zet a ti a ni.

A ruang hi Mexico ramah a awm meka Mexico leh US thuneitute chu inbe rawnin United States ah thawn turin an dil mek tih hriat ani.

Lizbeth Flores thihna chu chhui a nih dawn thu an sawia, US mi leh sa a nih bawk avangin FBI lam pawh an ngawi mai mai dawn lo tih hriat ani bawk. A lainatawm hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!