Your Daily News

Khuarel Chhiatna Thleng A Lo Hmachhawn Danah Lungawi Loin Kim Jong Un’an Sawrkara Mi Pawimawh Tak A Ban

0 296

Chawlhni liam ta khan Kim Jong Un’an tunhnaia Typhoon thlipui nuaichhiatna hmun coastal area a tlawh lai thlalak tichhuakin, he hunah hian an ram, North Korea sawrkar rorelnaa mi pawimawh tak a ban zui nghal niin state media chuan thuchhuah a siam.

Korean Central News Agency tarlan danin kum 36 a upa dictator hi kawrvar hain thlipui nuaichhiatna hmun South Hamgyoung province hmun chu a duputies-te nen Inrinni liam ta khan an tlawh niin a tarlang.

State media lamin Kim thusawi an tarlan chhawnnaah thlipui (Maysak Typhoon) in South leh North Hamgyoung province-ah chenna in 1000 chuang a tichhia niin a tarlang. Rodong Simmun newspaper in a tarlanin he khuarel chhiatna thleng avang hian Kangwon province lamah pawh mi engemaw zatin hliam an tuar tih a tarlang bawk.

He khuarel chhiatna kaihhnawih thleng chungchangah hian tualchhung mi pawimawh tak takte chu kohkhawmin thlipui tleh laia mipuite himna ngaihthahtu leh hnathawk thalote chu na taka hremna pe turin Kim chuan thupek a chhuah zui tih news chuan a tarlang a ni. KCNA report danin Kim Jong Un’an he chhiatna thlenga mawhphurtu bera ngaih South Hamgyoung Provincial Committee of The Workers’ Party Chairman Kim Jong-il chu banin amah thlaktu tur a ruat nghal bawk niin a sawi.

Hei bakah hian members of ruling Workers’ Party 12,000 chhiatna thlenna hmunah hian Pyongyang atang chhawmdawlna hna thawk turin a thawn tur thu a puang nghal ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!