Khawvela Pa Hlauhawmber Martyn Ford Leh Pachak Ropui ‘Iranian Hulk’-te Inkhuainuai Dawn.
Khawvela pa chak leh hlauhawm ber (The scariest Man on The Planet) an tih mai Martyn Ford chuan a khingpui Iranian pa chak leh ropui Sajad Gharibi (Iranian Hulk) chu video hmanga deusawhin, an 2 a inbeih thuai a chak tawh thu sawiin, a tukzal dan tur video hmangin a thehdarh tih hriat a ni.
Khawvela pa hlauhawm ber Martyn Ford leh amah chotu Sajad Gharibi (Iranian Hulk) an tih mai te hi kumthar 2022 lo thleng turah hian London khawpuiah an inhmachhawn dawn a, mi tam takin hemite 2 inkhuainuai lai hi hmuh an chak tawh hle a ni.
Iranian Hulk chuan hmanni lawk khan Martyn Ford hmachhawn tur a training a neih lai video chu social media lamah a tarlang a, cement bang theihtawpin a chum vel a ni.
He Sajad Gharibi (Iranian Hulk) video chu Martyn Ford’an a lo hmuhin a inhrosa ve zui a, a video clip ah hian Martyn chuan a khingpui Iranian Hulk a hnuaichhiah dan tur a tarlang a, fanghma la in a laiah tak a elhtliak a, he video hi social media lamah a thehdarh zui ve leh a ni.
Martyn Ford hi 6’8inches a sang niin, a khingpui Iranian Hulk nen hian an inbei tawk viau tura ngaih a ni. Iranian Hulk chuan Martyn Ford beih tuma training a neih lai video caption-ah hian, an inkar chu mimal thil a ni tih sawiin, April 2, 2022 ah London ah Boxing match an khel dawn a ni.
An 2 hian social media kaltlangin tawngkam na tak takin an in chirhtheh nasa a, a hun thleng se tu tak chungnung zawk ah awm ang maw!
