Your Daily News

Yangon Khawpui Kawngzawhnaah Sipaiten Silai A An Kahhliam Chin Tlangvalin A Nunna A Chân Ta!

0 684

Sipai leh CDM kalpuia kawngzawh mipuite inkar chuan ziaawm lam a pan thei lova, CDM zawmtu zingah thi leh hliam an pun belh mek zel a ni.

Vawiin chaw hma lam khan Yangon khawpuiah Sipai kuttuar in Chin tlangval pakhatin a nunna hlu tak a chan leh ta a ni.

March 3 khan Chin tlangval Mang Suan Khai chu kawngzawhna hmunah a tel ve laiin Sipaiten a ke ah silaiin an kap hliam a, Police-ten manin an hreng zui tih hriat a ni. Police kuta a awm chhung hian a hliam tuar loin vawiin khan a boral tih hriat a ni.

Tlangval huaisen tak hi March 3 a North Okkalapa kawngzawhnaah telin sipaiten silaiin an kap a, a hnuah chin hriat lohin motorin a kalbopui tih an sawi.

Nizan dar 6 velah Mang Suan Khai ruang hi damdawi in lamah lak a nih thu an sawi. A chhungte chu North Okkalapa damdawi inah kalin a ruang vuina nei turin an dil a, a ruang pawh hmuh tur a lo awm tawh lo tih a chhungte chuan an sawi.

Mang Suan khai chhungte hi East Dagon hmunah mi in luahin a nu leh pate nen an khawsa mek a ni. A Lainatawm kher mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!