Your Daily News

Video: Central Myanmar, Kin Ma Khawpum Chu Sipaiten Meivâpah An Chantir, In 250 Kangralin Khumbeta Nâ Putar 1 leh Pitar 3 An Kanghlum

0 692

Thawhlehni liam ta zan khan Central Myanmar a Kin Ma khawpum chu Sipaiten hal darhin, in 250 a kanral bakah putar 1 kum 90 vel bawr a upate chu an kang ral tih RFA chuan a tarlang.

Kin Ma khua kang avang hian tualchhung mi 1000 chuang zet te chu himna zawngin ramhnuai leh tlang chhipahte an tlanchhia zui bawk. Tualchhung mite sawidanin Kin Ma tualchhung sipaite leh Myanmar sipaite chu hemi ni hma
hian an inkapa, Myanmar sipai lam chu chaklo zawkah tangin mi 15 lai an thi tih an sawi. Phuba lak nan sipai thinrimte chuan an in leh lote chu an hal zui ta a ni.

Mahse, sipai thuhnuaia awm TV pakhat tarlan danin, he khuaah hian Myanmar sipaite chuan an lak atanga helte thenfai an tum laiin in kang an hmuh thu a sawia, sipaite hian a thelhmih hna an thawk zui niin a tarlang ve thung. He an thupuan hi khawvel mite hmaah thiam chan an tumna mai a ni tih tualchhung mite chuan an sawi ve bawk a ni.

An khaw thenawm Pauk khuaa cheng mi pakhat Mya Maung chuan, “In leh lo kangah hian mi 4 an thi a, Pitar 3 leh putar 1 kum 80 atang 90 inkar an thi” tih a sawi a ni. Heng putar leh pitar vanduaina tawka kangral tate hi khumbeta damlo an nia, in a kan lai hian an tlanchhe ve thei lo a ni.

Sipaite hi khaw chhungah an lut thut mai si a, himna zawnga lo inbuatsaih lawk turin hun an nei hlawl lo tih witness chuan a tarlang a ni. Video >

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!