Your Daily News

Tualthattu Kum 21 Mi Chu A Hmel A That Em Avangin A Fans Mi 30,000 Zetin Chhuah Zalen Turin Hming An Ziak

0 4,937

Tunlai khawvelah chuan milarte ngaihsanna leh an chanchin ngaih pawimawhna a sangin, milarte Pathian ang hiala biak duhna thinlung pu khawvelah an tam em em mai a ni.

Dazed in a tarlan danin, US Tik Toker kum 21 a upa Cameron Herrin chu lirthei hmanga tualthah thubuai 2 ah thiamloh a chantir a nih avangin, kum 24 chhung tang tura hremna pek a ni.

Cameron Herrin kum 21 mi chu dan phalloh kawtthlera lirthei intlansiakna ah telin, kawngpui kan mek hmeichhe pakhat kum 24 mi leh a fasen thla 10 mi chu a chilhlum hlauh maia, thubuai an siamsak zui ta a ni.

Mak ang reng tak chu Herrin hmelthatna leh ngaihno beina chu tanin chhungah pawh a fans te mitah a chuai thei ngang lo ni tur a ni, a fans te chuan tan in chhung thima awm tur chuan an phal thlawt lova, thuneitute hnenah chhuah zalen turin ngenna an thehlut zui ve bawk a ni.

He a fans te ngenna lehkha ah hian Tik Toker ngaisanga amah thlavang hauhtu mi 30,000 chuang zet chuan an hming an ziak hnan a ni.

Tianga ngenna an siamna chhan pawh he tlangval hmeltha hi jail-ah a tang a nih chuan ‘Engkim’ a hloh dawn a ni tiin, rorelna dik a hmuh theih nan Instagram page te pawh an siamsak hial a ni.

Tang tura a chungthu an rel lai video chu Herrin-a’n a followers 2million hmuhah a pholan hnu chuan, amah ngaisangtu a fans tam tak chuan jail tang tur chuan a hmel a tha mah mah a ni tiin comment an pe luai luai mai a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!