Your Daily News

Tân In Atanga Chhuak Pa Pakhat Chuan Tân In Chhunga A Thil Hmuh Rapthlak Tak Chanchin A Sawichhuak

0 2,357

Khawvel ram hruaitu nunrawng leh mahni khua leh tui sawisak ching an sawilan apiangin Myanmar sawrkar hian sawi a hlawh kumkhua tawh dawn a ni.

Hman ni lawk khan Yangon, Insein tan in atanga chhuak ta pa pakhat chuan tan in chhunga a thil hmuh leh hriat rapthlak zet mai chu sawichhuakin, he thil hian Myanmar ram chhung online lam a luah hneh hle. He thil thleng chanchin lungchhiatthlak tak chu saptawnga lehlin niin khawvel mite hriatah darh se tih duhna avangin an thehdarh chiam tih an sawi.

Jail tang tlanchhuak Kyaw Zay hi misualte an khung khawmna tan in Insein atanga chhuak a nia, a tanna insein ah hian sipai sawrkar dodaltute leh kawngzawhna telte an dah khawm thin a ni.

Vanneihthlak takin Kyaw Zay chu insein tan in atangin April 14 khan a thubuaiah thiam a changa, an chhuah zalen ta a ni.

Tan inchhunga mi tangte dinhmun chu a rapthlak tak zet tih sawiin a thente chu thi chuang silo dam tawk tawkin hun an hmanga, a thente chu an hliam a nain a lung nasa a, enkawlna pawh pek an ni chuang lo a ti a ni. Silai kahna hliam tuar an tamin an kawng leh an taksa dangte chu hliamin a khat tlat a ti a ni.

A sawi zel danin February thlaa Jail a an khung mi thenkhat chu kutbulte pawh an awma, an thawmhnaw pawtthler hmangin an tuamtir a, enkawlna an hmu ngailo a ti bawk. Tang tam zawk chu sipaiten thu an zawh apiangin kut an thlaka, nu pakhat phei chuan “Min that law law rawh u” tia a au thawm a hriat thu a sawi lang bawk. Chaw an pe chhe hle a, nikhatah tuisik no 1 leh chaw tlemte an pe hlawma an khawngaihthlak tak zet a ni tih Kyaw Zay chuan a sawi.

Sipaite hian thubuai dang ho te, an mahni do vang pawh nilova tangte an sawisak dan chu a rapthlak tak zet a, an mahni doa kawngzawh an mi mante phei chu eng ang takin nge an sawisak ang tih chu ngaihtuah ngam pawh a nilo tih sawiin, “Tangte an sawisak dan ka hmuh chuan ka tap fo thin” tiin Kyaw Zay chuan a sawi a ni. Insein tan inah hian mithi an awm reng a, nitin mithi ruang an zawnchhuak thin a ti bawk. A rapthlak hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!