Your Daily News

Sipaiten Angel Ruang An Phawrh Hnuah Thu Mak Danglam Tak An Puang Chhuak Ta!

0 3,516

Nula huaisen Kyal Sin Angel kum 19 mi chu Mandalay ah Sawrkar duhlohna lantir kawngzawh neih laiin March 3 ah silaiin an kaphlum a, khawvelin a sun tak meuh a ni. A thihdan chungchangah sipaiten thiamchan tumin ramchhung TV pakhat MRTV kaltlangin insawifiahna March 6 zanah an nei zui a nih kha. Mahse, he an thuchhuah hi tumahin an awih thei chuang lo a ni.

Sipaiten thiamchan tumin March 5 zanah Angel thlan lam panin a ruang an phawrh a, he hunah hian tumah civil mi kal an phal lo bawk. An mahni doctor thiam rawih chuan Angel lu a silai kahna hliam chu an endik tir leh ngat tih hriat a ni.

Ruang an endik hnuah Sipaite chuan mipui hnenah thu thehdarh nghalin, tiang hian insawifiahna an nei zui ta a ni. Angel ruang chu a pa phalna la hmasain an endik a, a lu a silai mu lut chu, Myanmar sipaiten an mahni dodaltu mipui an beih letna silai mu nen a in ang lo va, chuvangin Angel hi sipai kahhlum a ni thei lo a ni tiin thu an chhuah leh ta a ni.

He an insawifiahna tawngkam hi ramchhung mipuite pawh tumahin an awih thei lova, thiamchan tumin an insawifiah ngei pawh an rinlawk thu an sawi. Angel hi Chinese thisen kai a nih avangin kahhlum a nih thu Social media lama lo lar ta thut chuan Myanmar sipai hotute a ti mangang a, China sawrkar a thinrim an hlau a ni ber niin thil chhutmite chuan an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!